Тариалан сумын 90 жилийн ойд зориулан бүтээсэн тус дууны үгийг Хорлоогийн ЛХАМЖАВ бичиж, аялгууг Р.Эрдэнэцогт бүтээж, дуучин МУСТА У.БААТАР олны хүртээлж болгож байжээ.
АВЬЯАСЛАГ ЗОН ОЛОН
Мөнгөн титмээр тэргүүнээ гоёсон
Мөнх цаст Хархираа оргилтой
Од сараар байгалиа шинжсэн
Олныг бишрүүлсэн ажилсаг малчидтай
Бий хуур уламжлалт тариалангаар
Буурал түүхийн шаргал хуудсанд
Алдар нэрээ тодхон мөнхөлсөн
Авъяаслаг зон олон
- 2 дахь бадаг
Хурмаст тэнгэрт тахилаа өргөсөн
Хонхойн хоо ариун шүтээнтэй
Хуурын аялгуунд уяран хөглөгдсөн
Хотлыг баясгасан язгуур бийчидтэй
Дахилт
- 3 дахь бадаг
Буян заяагаар бидэндээ өвлөгдсөн
Бургастай Тарвагатай орд газартай
Ургацын далайд хадууртай сэлсэн
Удам дамжсан шилдэг тариачидтай
Дахилт
- 4 дэх бадаг
Үеийн үедээ магтан дуулагдсан
Үржил шимт Алтан тээлтэй
Өвгөд дээдсээс алдраа дуурсгасан
Өрнүүн хөдөлмөрч ард олонтой
Дахилт
Дашрамд тодруулахад тус уран бүтээлийг тухайн үед Пүрэвийн ЛХАГВАЖАВ захиралтай МЭНД-АНУН ХХК ивээн тэтгэж төрөлх сумынхаа түүхт ойд бэлэг барисан бөгөөд МУСТА У.БААТАР дуулж олны хүртээл болгож байжээ.
Сэтгэгдэл үлдээх