Монгол Улсын Их Хурал хувь хүний орлогын албан татвар (ХХОАТ)-ын тогтолцоонд өөрчлөлт оруулах хуулийг баталжээ. Уг өөрчлөлтөөр бага болон дундаж орлоготой иргэдийн татварын ачааллыг бууруулах зорилгоор цалингийн орлогод шаталсан татварын зохицуулалт хэрэгжүүлэхээр болсон бөгөөд хууль 2028 оны нэгдүгээр сарын 1-нээс хүчин төгөлдөр мөрдөгдөнө.
Ямар өөрчлөлт хэрэгжих вэ?
- 792,000 төгрөг хүртэлх сарын цалинтай иргэд хувь хүний орлогын албан татвар төлөхгүй.
- 792,001 төгрөгөөс 2,000,000 төгрөг хүртэлх цалингийн орлогод 1 хувийн ХХОАТ ногдуулна.
Энэ нь өмнөх татварын тогтолцоотой харьцуулахад бага, дундаж орлоготой ажиллагчдын гар дээр авах орлогыг нэмэгдүүлэх, амьжиргаанд нь бодит дэмжлэг үзүүлэх зорилготой гэж хууль санаачлагчид үзэж байна.
Иргэдэд ямар нөлөө үзүүлэх вэ?
- Бага орлоготой иргэд татварын дарамтаас бүрэн чөлөөлөгдөнө.
- Дундаж орлоготой ажиллагчдын төлөх татварын хэмжээ буурч, цэвэр орлого нэмэгдэх боломж бүрдэнэ.
- Хөдөлмөр эрхлэлтийг дэмжих, өрхийн бодит орлогыг өсгөхөд эерэг нөлөө үзүүлнэ гэж үзэж байна.
Хэдийгээр хууль батлагдсан ч уг өөрчлөлт 2028 оны 1 дүгээр сарын 1-нээс албан ёсоор хэрэгжиж эхэлнэ. Тиймээс одоогийн татварын зохицуулалт энэ хугацаа хүртэл хүчинтэй хэвээр байна.
Шинэ татварын тогтолцооны хэрэгжилттэй холбоотой дэлгэрэнгүй журам, тайлбар болон бусад орлогын ангилалд хэрхэн үйлчлэх талаар эрх бүхий байгууллагууд цаашид нэмэлт мэдээлэл хүргэх юм.
Сэтгэгдэл үлдээх