Увс аймгийн Тариалан сумын хүн эмнэлэг түүхт 80 жилийн ойгоо 2011 онд өргөн дэлгэр тэмдэглэн өнгөрүүлсэн билээ. Тухайн тэгш ойн жилийн хүрээнд Тариалан сумын хүн эмнэлгийг төрийн соёрхолт, хүний гавъяат эмч, Клиникийн профессор Ангаах ухааны Доктор Муухайн Намсрайн нэрэмжит болгож байв.
Муухайн НАМСРАЙ нь 1950 онд Увс аймгийн ТАРИАЛАН суманд төрсөн бөгөөд найман жилийн сургууль дүүргээд Анагаах ухааны дунд сургуульд / одоогийн АШУҮИС-ийн Сувилахуйн Сургууль / элсэн суралцаж 1971 онд төгссөн, дараа нь ОХУ-д зургаан сар, Герман улсад хоёр жил бөөрний мэс заслаар мэргэжил дээшлүүлэн эрүүл мэндийн салбарт тасралтгүй зүтгэж эзэмшсэн мэргэжил, ажил үйлсээрээ Улсдаа танигдсан эрхэм билээ.
Тэрээр бөөрний дуранг анх санаачлан байгуулж бөөр шээсний доод болон дээд замын 9 төрлийн шинжилгээг нэвтрүүлж 20 гаруй ШБОС нэвтрүүлж патент авсан. Түрүү булчирхайн дурангийн оношилгоо, эмчилгээний асуудал сэдвээр дэд эрдэмтний зэрэг хамгаалж улмаар “Төрийн шагнал” хүртэж, 2008 онд Монгол улсын “Хүний гавьяат эмч” цол хүртэж байв.
М.Намсрай нь 1989 онд Монгол Улсад анх удаа дурангын мэс засал хийж, нэвтрүүлсэн бөгөөд Монгол улсдаа төдийгүй дэлхийд чадвараа үнэлэгдсэн. Бөөрний мэс заслын эмч М.Намсрай нь эрдэм шинжилгээний 80 орчим илтгэл өгүүлэг, нийтлэл хэвлүүлж, гурван ном бичиж, нэг эрдэм шинжилгээний ажил удирдсан “То-ван судлал”-ын эрдмийн зөвлөлийн гишүүн юм.
ТҮҮНИЙ ЭНЭХҮҮ БАХАРХАЛТ АМЖИЛТЫГ АЛДАРШУУЛАН, ТӨРӨЛХ НУТГИЙНХ НЬ ХҮН ЭМНЭЛЭГ ТҮҮХТ 80 ЖИЛИЙН ТЭГШ ОЙГООРОО НЭРЭМЖИТ БОЛЖ ЭРХЭМ ЭМЧДЭЭ ХҮНДЭТГЭЛ ҮЗҮҮЛЖЭЭ.
Сэтгэгдэл үлдээх