Хөшилдсөн их мананг туулж, хөлийн чилээ гаргая гэвэлХүрхэрсэн их голыг үзэж, Хүннү уухай сонсъё гэвэлСүмбэрлэх их уулсыг өгсөж, сүр жавхланг нь мэдэрьё гэвэлСүргэлсэн их шувуудтай чуулж сүүн сэтгэлийг сүсэглэе гэвэлСүүлчийн диваажин Увсад очоорой
Мөндөрлөх их бороонд норж мөн чанарыг нь танья гэвэлМөчирлөн ургах чацаргана амталж мөр замаа мялаая гэвэлМөргөлийн замаар даяанчилж буяны хишгийг хүртъе гэвэлМөөгөт тайгад аянчилж буруугүй зөвөөр амьдаръя гэвэлМөнхийн диваажин Увсад очоорой
Эрчилсэн хөх салхинд алгадуулж ир зоригоо чангалая гэвэлЭрэмгий хурдны нуруунд сууж эрийн хийморь сэргээе гэвэлЭгшигт хөөмэй, Икэлийн татлага сонсож элэг зүрхээ хөглөе гэвэлЭгэл ардын эрх чөлөөг эдэлж энгүүн дураар жаргая гэвэлЭнхийн диваажин Увсад очоорой
Дэлгэрсэн цэцгийн өнгөнд уусаж дэндүү сайхныг мэдэрьё гэвэлДээжилсэн рашаан-голоос амсаж, дээд тэнгэрт ойртъё гэвэлДэвэрсэн их омогтныг таньж, дэг ёсыг нь суръя гэвэлДээдсийн удамтай нөхөрлөж дэвэлтэй ах дүүс больё гэвэлДэлхийн диваажин Увсад очоорой,,,
Одод хөвөх нууранд жилдэж, Онгод хийморио сэргээе гэвэлОгторгуйн далай найраг сонсож, оюун мэлмийгээ нээе гэвэлГал сэтгэлтэй бүсгүйтэй учирч гарын цайг нь ууя гэвэлГан сэлэм исгэрүүлсэн Галдангийн нутгаар зугаалъя гэвэлГазрын диваажин Увсад очоорой
Сэтгэгдэл үлдээх