Завхан сум 500 гаруй өрх айл, 1572 хүн ам, 6800 км2 газар нутагтай.200 мянга гаруй малтай Увс аймагтаа тэмээн сүргээрээ тэргүүлдэг онцлогтой сум юм.
2021 оны байдлаар 11107 толгой тэмээ тоолуулсан байна.
Хүн амын зонхилох хувь нь сартуул ястан эзэлдэг. Завхан сумын төв Шарбулаг аймгийн төвөөс 176 км зайтай оршдог. 1925 онд анхны 16 сум байгуулагдахад “Зогсоо уул” нэртэйгээр байгуулагдаж байжээ.
Засаг захиргааны 4 баг, 5 төсвийн байгууллагатай Увс аймгийн хамгийн урд сум юм.
Хамгийн өндөр цэг нь Гилбэн уулын “Дарцагт оргил” юм. Нийт нутаг дэвсгэрийн 1/3-ийг ус эзэлдэг. Монгол оронд усны нөөцөөр 2-рт ордог. Айраг, Хяргас нуур, Завхан, Хүнгүйн гол зэрэг олон нуур голуудтай.Увс аймгийн Наранбулаг, Өлгий, Өмнөговь, Малчин, Хяргас, Цагаанхайрхан, Завхан аймгийн Ургамал,Дөрвөлжин,Ховд аймгийн Дөргөн, Мянгад зэрэг сумуудтай хиллэдэг.
Сэтгэгдэл үлдээх