Завхан сум, 2025он – “Түмэн тэмээний нутаг” хэмээгддэг Увс аймгийн Завхан сумын түүхт 100 жилийн ойн баяр наадам зуны дэлгэр цагт өргөн дэлгэр болж өндөрлөлөө. Тус ойн баяр наадмын хурдан шүдлэн насны моридын уралдаанд газар газрын 50 гаруй шандаст хүлэг бүртгүүлж, гарааны зурхайгаас эргэсэн юм.
Барианы торгон зурхайд Увс, Завхан, Говь-Алтай аймгуудын хурдан хүлгүүд магнайлан ирж айраг түрүүний төлөө хүч үзсэнээс дараах хүлгүүд тод магнай торгон жолоо өргүүлэв.
Шүдлэн насны айргийн моридын цуваа:
-
Түрүү магнай: Увс аймгийн Улаангом сумын харьяат, уяач Баянсангийн Бямбажаргалын хүрэн шүдлэн тод магнайдаа тоосгүй хурдалж, түмэн олноо баясгав.
-
Аман хүзүү: Увс аймгийн Зүүнхангай сумын харьяат, Аймгийн алдарт уяач Балжиннямын Зулбаярын хар шүдлэн.
-
Айргийн гурав: Завхан аймгийн Ургамал сумын харьяат, уяач Түвдэнгийн Батзаяагийн хүрэн шүдлэн.
-
Айргийн дөрөв: Говь-Алтай аймгийн Хөхморьт сумын харьяат, уяач Энхтуяагийн Батсүхийн халзан шүдлэн.
-
Айргийн тав: Завхан аймгийн Ургамал сумын харьяат, уяач Дойлоохүүгийн Батбаатарын бор шүдлэн тус тус хурдалж, уясан эзэн, унасан хүүхдээ баярлууллаа.
Түүхт 100 жилийн ойн босгон дээр хурд шалгасан нийт уяачид болон хурдан хүлгүүдийн босоо цагаан хийморь өөдөө байх болтугай.
Сэтгэгдэл үлдээх