ОРОН НУТАГТАА МЭРГЭЖИЛТЭЙ БОЛОВСОН ХҮЧНИЙГ ТОГТМОЛ УЛААНГОМ ПОЛИТЕХНИК КОЛЛЕЖИЙН ТӨГСӨЛТ БОЛЛОО
Хүн бүр эрдэмтэн, мэргэд, эмч, багш, дарга, цэрэг байх албагүй ч амьдралдаа хэрэгцээтэй мэргэжил эзэмших нь хамгаас чухал болоод байна. Сантехник холболт, гагнуур, цахилгаан зэргээ хэнийг ч гуйхгүй мэргэжлийн түвшинд хийж сурсан эмч, багш, эдийн засагч, инженерүүд байж яагаад болохгүй ГЭЖ…
Мэргэжлийн ур чадвараа эзэмшиж цаашид сурч, хөгжих анхны алхамаа хийж байгаа УЛААНГОМ ПОЛИТЕХНИК КОЛЛЕЖ-ийн Барилгын засал чимэглэлчин -3 дугаар ангийн төгсөлтийн шалгалт, дадлагын тайлан хамгаалалт болж өнгөрлөө. Сурагчид Увс аймгийн “Амарсанаа” ХХ компаний барьсан Улаангом политехник коллежийн 300 хүүхдийн дотуур байрны дотоод засал, УБ хотын барилгын компани, аймгийн бусад барилгын компаниудад хуваарилагдан ажилласан байна.
Барилгын засал чимэглэлчин -3 ангийг нийт 21 суралцагч төгсөж байгаа бөгөөд Мэргэжлийн ур чадварын шилдэг төгсөгч Ц.Тогтоосүрэн, Барилгын засал чимэглэлчин ангийн шилдэг төгсөгч Б.Буян-Орших нар шалгарсан байна.
Түүнчлэн мэргэжлийн хичээлээс гадна МСҮТ-ийн улсын нийгмийн ухааны хичээлийн олимпиадад Б.Ариунгэрэл, монгол хэл, нийгмийн хичээлийн олимпиадад Ц.Хишигдэлгэр нар сургуулиа төлөөлөн оролцож, Турк улсын элчин сайдын яамнаас зохион байгуулсан “Турк орныг хэн сайн мэдэх вэ” улсын эссе бичлэгийн уралдааны тусгай байранд Ц.Золжаргал шалгарсан амжилтыг үзүүлжээ.
Мэргэжлийн ур чадвараа сайн эзэмшихийн зэрэгцээ нийгмийн тустай ажил хөдөлмөрт бусдыгаа уриалан зохион байгуулж, Улаангом политехник коллежийн “Сэтгүүлч сурагч” клубын үйл ажиллагаанд манлайлан оролцож хөтлөгч, сэтгүүлч, зураглаач, эвлүүлэгч сурагчаар суралцан хөгжиж “Student news” мэдээ сурвалжилга, видео контент зэргийг бүтээсэн байна. Сэтгүүлч сурагч” клубын хөтлөгч сурагч Б.Золжаргал, сэтгүүлч сурагч Б.Буян-Орших Ц.Хишигдэлгэр, А.Алтаннаран, Б.Ариунгэрэл, Ц.Тогтоосүрэн зэрэг авьяаслаг суралцагчид байлаа.
Барилгын засал чимэглэлчин ангийг удирдаж мэргэжил эзэмшүүлэх төдийгүй суралцагчдын хөгжил төлөвшилд үнэтэй хувь нэмэр оруулсан анги удирдсан багшТ. Оюунтуяа, барилгын засал чимэглэлийн мэргэжлийн багш О.Батчимэг, Б.Ариунаа нартаа баяр хүргэе. Ажилсаг хөдөлмөрч, мэргэжилтэй, ур чадвартай мянга мянган шавь нар бэлтгэдэг БАГШ таны ачлалд талархъя.
Сэтгэгдэл үлдээх