Уул усны диваажин Увс аймгийн ууган сургуулийн 1953-2010 оны төгсөлтийн 57 үеийн 230 гаруй төлөөлөл энэхүү уулзалтад хүрэлцэн ирж, багш шавийн ариун холбоо, сургуулийн түүхэн замнал, үе үеийн төгсөгчдийн амжилт бүтээлийг хамтдаа дурсан тэмдэглэлээ.
Тус уулзалтад төр, нийгмийн нэрт зүтгэлтнүүд, боловсрол, шинжлэх ухаан, урлаг соёл, спорт болон салбар салбарын манлайлагчид болсон үе үеийн төгсөгчид, мөн Монголын ирээдүй болсон шилдэг залуу үеийн төлөөллүүд оролцсон нь арга хэмжээг улам утга төгөлдөр, үнэ цэнтэй болгосон юм.
“Хамтдаа бүтээсэн 100 жил” уулзалт нь зөвхөн төгсөгчдийн уулзалт байгаад зогсохгүй, Увс аймгийн Ууган 1 дүгээр сургуулийн түүхэн хөгжил, бахархалт төгсөгчдийн амжилт бүтээл, ирээдүйн шинэ үеийн залгамж холбоог илтгэсэн онцгой үйл явдал болж өнгөрлөө.
Уулзалтын зургуудаас:
Сэтгэгдэл үлдээх