Увс аймгийн боловсролын ууган голомт болох Нэгдүгээр сургуулийн түүхт 100 жилийн ойн хүрээнд зохион байгуулагдсан “Идэрчүүдийн аймгийн аварга шалгаруулах волейболын тэмцээн” гурван өдрийн турш амжилттай үргэлжилж, шилдгүүдээ тодрууллаа.
Энэ удаагийн тэмцээн нь өсвөрийн тамирчдын ур чадварыг сорих, волейболын спортыг сурталчлан таниулах зорилгоор зохион байгуулагдсан бөгөөд:
-
Нийт 27 баг (эрэгтэй, эмэгтэй);
-
300 орчим тамирчин хурд хүч, авхаалж самбаагаа сорин өрсөлдлөө.
Тэмцээний турш тамирчид багийн ажиллагаа, техникийн өндөр гүйцэтгэлийг үзүүлж, үзэгч түмнээ баясгасан сонирхолтой тоглолтуудыг толилууллаа.
Тэмцээний хаалтын болон шагнал гардуулах ёслолын ажиллагаанд албаны хүмүүс оролцож, тамирчдад баяр хүргэн, амжилт хүсэв. Ёслолын ажиллагаанд:
-
Б.Бадарч – Аймгийн Биеийн тамир, спортын газрын дарга;
-
Г.Цэрэндулам – Нэгдүгээр сургуулийн захирал;
-
Д.Батсайхан – Аймгийн Волейболын холбооны тэргүүн нар оролцож, шилдэг баг, тамирчдад медаль, өргөмжлөл, шагналыг нь гардуулан өглөө.
1-р Сургуулийн 100 жилийн ойн босгон дээр залуу үеийнхний эрч хүч, эв нэгдлийн бэлгэдэл болсон энэхүү тэмцээн өндөр түвшинд зохион байгуулагдлаа” хэмээн зохион байгуулагчид онцолж байв.
Тэмцээнийг амжилттай зохион байгуулахад дараах байгууллагууд хамтран ажилласан юм:
-
Аймгийн Биеийн тамир, спортын газар
-
Аймгийн Волейболын холбоо
-
Увс аймгийн Нэгдүгээр сургууль
Нийт оролцсон тамирчид, дасгалжуулагчид болон дэмжин ажилласан эцэг эхчүүддээ талархал илэрхийлж, залуу тамирчдадаа спортын өндөр амжилтыг хүсэн ерөөе!
Сэтгэгдэл үлдээх