Монгол улсын Гавьяат тамирчин, 1968 оны Мехикогийн XIX дахь олимпын чөлөөт бөхийн анхны хүрэл медальт, Ази тивийн аварга, Дэлхийн цомын хүрэл медальт, Монгол улсын Өсөх идэр начин, чөлөөт бөхийн нэрт мастер Төмөрийн Артаг
Гавьяат тамирчин Төмөрийн Артаг 1943 онд Увс аймгийн Тэс суманд төржээ.
Т.Артаг арван дөрвөн настайгаасаа эхлэн хоёр ахтайгаа Тэсийн голын усанд сэлж, уулнаас мод бэлтгэх зэрэг Монгол ахуй орчин бяр тэнхээтэй сайн бөх болоход нөлөөлсөн нь дамжиггvй.
16 настайдаа бөхийн өлгий нутаг гэгдэх Тэс сумынхаа наадамд торолгvй тvрvvлсэн тэвхийсэн том цээжтэй хvvхэд байсан гэдэг.
1963 онд Т.Артаг Улаанбаатар хотын мах комбинатын өргөтгөл дээр ажиллан цэргийн алба хаах болсон нь бөхийн талбарт гарах сайхан боломж олгосон байна.
1973 оны наадамд жинхэнэ начин болохоо харуулан 5 давжээ Т.Артаг начин 170 орчим см өндөртэй, 90 гаруй кг жинтэй тосон бор биетэй, тэвхийсэн өргөн цээжтэй бөх байсан гэдэг.
Тvvний гол vндсэн мэх нь зvvн сугадаад бусгах, дутуу бусгаад ачих зэрэг мэхvvд юм. Т.Артаг тун ч нарийхан жижигхэн хуруутай, инээд муутай, яриа нь хvний анхаарлыг өөрийн эрхгvй татчихсан байдаг, олон юм ярихгvй, амнаас нь vг салгахад бэрхшээлтэй. Барилдаан нь их нягт, зуунги, нэг оноо авбал алдахгvй, нэг барьц авбал тавихгvй заавал ялалт буюу унагаж байж салдаг хатуу шаардлага өөртөө тавьдаг бөх байлаа хэмээн бөхийн хорхойтнууд дурсан ярьдаг.
1962-1976 онд “Алдар” нийгэмлэгт чөлөөт бөхийн багийн тамирчин, улсын шигшээ багийн гишүүн, 1976 оноос Ардын армийн 065 дугаар ангийн штабын биеийн тамир хариуцсан орлогч, дасгалжуулагчаар ажилласан байна.
Тэрээр 1962-1976 онд улсын шигшээ багийн тамирчнаар ажиллаж 1967 онд Олимпын найдвар тэмцээнээс алт, 1968 оны олимпоос хүрэл медаль, 1969 оны ДАШТ-д 4-р байр, 1970, 1971, 1973, 1974 оны ДАШТ-д 5-р байр, 1975 оны дэлхийн цомын тэмцээнээс хүрэл, 1967 онд Азийн аваргын алтан медаль, Монгол улсын чөлөөт бөхийн аваргаар 5 удаа шалгарсан түүхэн амжилтуудыг үзүүлжээ.
1990 оны БНМАУ-ын АИХ-ын тэргүүлэгчдийн зарлигаар “Спортын гавьяат мастер” цол олгосон бөгөөд гавьяат тамирчин Төмөрийн Артагын спортын түүхэнд байгуулсан амжилт Монгол улс төдийгүй дэлхийд дуурсагдсаар…
Спортын гавьяат тамирчин Төмөрийн Артагын хөшөө дурсгал Увс аймгийн төв Улаангом хотод босгосон байдаг.
Сэтгэгдэл үлдээх