Увс аймгийн Өмнөговь сумын Улиаст багийн Аймгийн аварга малчин, Алтан гадас одонт Хонгоржавын ЦАГААНЗУЛ

Эцэг өвөгдөөс өвлөсөн малч ухаанаараа үе дамжин мал маллаж яваа Өмнөговь сумын Улиаст багийн Аймгийн аварга малчин, Алтангадас одонт Х.Цагаанзул нь 1975оноос 14 наснаасаа аав ээжийн хамт мал маллаж эхэлсэн ба 1978 онд цэргийн албанд татагдаж 3 жилийн хугацаатай цэргийн алба хааж 1982 оноос одоог хүртэл МАА-н салбарт ажиллаж яваа ахмад малчин юм. Тэрбээр хөвсгөл аймгийн Ханх сумын тууварт явж ажил үүргээ амжиллтай гүйцэтгэж ,1984 оноос Төрлөх сумынхаа Баянгол багт Тэмээчин хийж тухайн жилд бод малын арчилгаа, маллагаанд анхааран цаашид мал маллах арга ухаанд өөрийгөө уралдуулан хөгжиж ирсэн юм.

1984 оны сүүлээс 1990 он хүртэл 6 жилийн хугацаанд “ЦОГ НЭГДЭЛ”-д нэгдэлийн хоньчингоор ажиллаж байсан ба 1990 оноос хувийн аж ахуйтай болсоноор таван хошуу малыг хослуулан маллаж мал тус бүрийн онцлогт тохирсон нутгуудаар нүүдэллэн суурьшиж ,байгаль цаг уурын онцлогт тохируулан мал ахуйгаа бойжуулж одоог хүртэл мал маллах ухааныг хөгжүүлэн түгээж нутаг орондоо үлгэр дуурайлал болж яваа ахмад малчин юм. Цагаанзул нь таван хошуу малыг таван төрөлд нь өсгөж маллаж яваа хөдөлмөрч тууштай Улиаст багийн сор болсон малчдын НЭГ билээ.

2007 оноос эхлэн монгол улсын нутаг дэвсгэрт хүмүүнлэгийн салбарт төрдөө нэмэлт хүч болж ажиллах “Монголын улаан загалмайн нийгэмнэлэг”-ийн ууган гишүүн болж нийгмийн хариуцлагаа хэрэгжүүлэн энэрэнгүй нигүүлсэнгүй үйлсэд бодитой хувь нэмэр оруулан ивээн тэтгэгч гишүүнээр одоог хүртэл ажиллаж яваа билээ.

Түүний гавъяа шагналаас дурдвал:

*1982 онд БНМАУ-н сайд нарын зөвлөл ,МҮЭ-н төв зөвлөлийн хүндэт жуух бичиг

*2012 онд сумын сайн малчин,

*2016 онд аймгийн сайн малчин,

*2017 онд Мянгат малчин -аар шагнагдаж байсан ба бэлчээрийн мал аж ахуй хөгжүүлэхэд 40гаруй жилийн хөдөлмөрөө зориулсан манай ахмад малчин бөгөөд залуу малчиддаа үлгэр дуурайлал болон сурган чиглүүлэгч юм

Эрхэлсэн ажилдаа хөдөлмөрийн амжилт гарган ажиллаж ирснийг нь үнэлж Монгол улсын Төрийн дээд одон медаль “Алтангадас одон” шагналаар шагнуулж байгаад баяр хүргэе. Түүний хувьд 1982 онд Дуламжавын Гэрэлмаатай гэр бүл болж өнөөдрийг хүртэл хамтдаа хөдөлмөрлөж, хамтын амжилт ололтоо бүтээлцэж яваа малчид юм.