Авьяаслаг хөдөлмөрч хотон зоны өлгий болсон ТАРИАЛАН сумын түүхт 100 жилийн ой 2025.07.22-23 өдөр зохион байгуулагдана.
Тус сумын түүхэн тэгш ойг зохион байгуулахаар ИТХ, ЗДТГ -аас ОЙ ЗОХИОН БАЙГУУЛАХ КОМИСС, ажлын хэсгүүдийг байгуулж ажлын төлөвлөгөөнүүдийг батлан иргэд олон нийтдээ танилцуулан ажиллаж байгаа бөгөөд ойн зохион байгуулалттай холбоотойгоор ХАНДИВЫН ҮЙЛ АЖИЛЛАГААГ өрнүүлээд байгаа аж.
Түүнтэй холбоотойгоор дараах ХАНДИВЫН ТӨРӨЛ, ТҮҮНИЙ ЗАРЦУУЛАЛТЫН ТАЛААРХ задаргааг бас нээлттэйгээр ТАРИАЛАН СУМ МЭДЭЭ МЭДЭЭЛЭЛ цахим хаяг дээрээ байршуулсныг бид https://uvschuud.mn/2693.html линкээр мэдээ болгон нэгтгэв.
Ийнхүү нутгийн уугуул суугуул иргэдтэйгээ уулзалтуудаа хийж төлөвлөгөөгөө танилцуулан хандивуудаа цуглуулж эхэлсэн ТАРИАЛАН сумын ОЙ ЗОХИОН БАЙГУУЛАХ КОМИСС, ЗДТГ-аас мөн л ТАРИАЛАН СУМЫН МЭДЭЭ МЭДЭЭЛЭЛ цахим хаягаараа дамжуулан талархалын БАЯРЛАЛАА постерыг хандивлагч нартаа зориулан иргэд олон нийтэд нээлттэйгээр түгээж байна.
Жич: 2025.03.15-ны байдлаар 62 ХАНДИВЛАГЧДИЙН БАЯРЛАЛАА постерийг нийтэлжээ
Түүнийг бид эх сурвалж болгон ХАНДИВЛАГЧДЫН МЭДЭЭЛЛИЙГ НЭГ ДОРООС ҮЗЭХ БОЛОМЖТОЙГООР энэхүү нийтлэлийг үүсгэлээ. Учир нь фэйсбүүк орчин дахь мэдээллүүдийг хүссэн үедээ хайж, нэгтгэж үзэх нь ажиллагаа ихтэй байдаг. Мөн бид илүү олон хандивлагчдын мэдээлэл цугларсны дараа хандивын төрлүүдээр задаргаа хийж уншигч та бүхэнд сонирхолтой ойлгомжтой байдлаар хүргэхийг хичээх болно.
Уншигч та бүхэн санал хүсэлт байвал мөн үлдээж хамтран ажиллахыг хүсье.
Энэ нь түүхэн ойн хандивын зарцуулалтад олон нийтийн хяналтыг нэмэгдүүлэх зорилготой юм.
Төрөлх сумынхаа түүхэн бүтээн байгуулалтанд хандив өргөж буй ТАРИАЛАН сумтай ажил амьдралын болон хүйн холбоотой иргэд бүхэндээ талархал илэрхийлье. Та бүхний минь өргөсөн сэтгэлийн өргөл арвай будаа шиг арвижин дэлгэрч үеийн үед буянаа түгээх болтугай.
Сэтгэгдэл үлдээх