Увс аймгийн Тариалан сумын Соёлын төвийн түүхт 80 жилийн ой 2023 онд болсон бөгөөд тухайн түүхт баяраараа Алтан гадаст одонт МУСТА Ц. Авирдайн нэрэмжит “Язгуур өв” соёлын төв болсон юм.
Алтан гадаст одонт МУСТА Ц. Авирдайн Увс аймгийн Улаан гэрийг 1941 онд анх үүсгэн байгуулж байсан ба Тариалан сумын клубийн эрхлэгчээр 1947-1957 он хүртэл 10 жил ажиллахдаа Улсад ТАРИАЛАН сумын урлагийн нэрийг мандуулж олон шавь төрүүлсэн төдийгүй “Язгуур урлагийн ард түмэн” нэрийг төрөлх сумандаа авч ирж чадсан чадварлаг уран сайханч авьяаслаг хөгжимчин, ноотлоогүй нотлогдоогүй хөгжмийн зохиолч байсан юм. Түүний шавь нараас дурдвал МУСТА С.Цэнд, Б.Мөнгөн, А.Цагаанхүү, М. Нүрдээ, Ү. Зинаметр, Х.Магздай, У.Шинэн гэх мэтчилэн олон сайхан алдартнууд байдаг бөгөөд тухайн авьяастнуудыг бэлтгэсэн хөгжмийн зохиолч билээ.
Сэтгэгдэл үлдээх