Сумын улаан гэр нэртэйгээр анх үйл ажиллагаагаа эхлүүлээд 1945 онд Нэг гэр, дөрвөн уран сайханчтай болжээ. Ийнхүү тухайн жил үйл ажиллагаа нь тогтворжиж эхлэсэн соёлын төвд Аймгийн Улаан гэрийг үндэслэн байгуулсан / 1941 он / Ц.Авирдай гуай ЭРХЛЭГЧЭЭР шилжин ирж олон жил үр бүтээлтэй ажиллажээ. Тэрээр дуу хуур, бий биелгээ зааж, соёлын салбарт тухайн сумаас олон арван авьяастнууд бэлтгэгдэн гарах үндсийг тавьсан ачтай.
Үйл ажиллагаагаа ихэвчлэн хөсгөөр явж, хөдөөгийн уул талаар нүүдэллэн урлаг соёлоор үйлчилж байсан уран бүтээлчид 1958 онд Ц.Авирдайн санаачлагаар Улсын төсвийн 85000 төгрөгөөр бүтээн боссон Улаан булангийн барилгаа ашиглалтад хүлээн авчээ.
Ийнхүү шинэ барилга ашиглалтад орсноор нүүдлийн номын сан, кино цэгтэй болж уран сайханчдын бэлтгэлийг жижиг клубт төвлөрүүлэн дугуйлан ажиллуулсанаар урлаг соёлын ажил улам хүрээгээ тэлж эхэлсэн түүхтэй.
2003 онд засгийн газрын шийдвэрээр 30 гаруй сая төгрөг, мөн Дацан трейд Увс хоршоо , хувь хүмүүсийн хандиваар боссон 300 хүний суудалтай байранд 2016 он хүртэл ажиллаж байгаад 2016 оны 08-р сарын 10-наас 10-р сарын 20-ны хооронд Турк улсын ТИКА-гийн байгууллагын хөрөнгө оруулалтаар 240 сая төгрөгний их засвар хийгдэж бүрэн засварт орсон бөгөөд өнөөг хүртэл үйл ажиллагаагаа явуулж байна.
Сэтгэгдэл үлдээх