Увс аймгийн ТҮРГЭН СУМЫН “ДЭГЛИЙ ЦАГААН” уяачдын холбооны түүх 1992 оноос эхлэлтэй.
Тэд 2017 онд Увс аймгийн МСУХ-ны ШИЛДЭГ салбар ХОЛБООГООР шалгарч явсан түүхтэй. Гэвч сүүлийн жилүүдэд үйл ажиллагаа нь саарсныг гишүүд төдийгүй, одоогийн тэргүүн, тэргүүлэгчид ч хүлээн зөвшөөрч хурлын эхэнд шалтгаан учраа тайлбарлаж байлаа.
Түргэн сумын уяачдын холбооны хурал болж байгаатай таараад хуралдааны үйл явцыг баримтжуулав. Энэ онд төрөлх сумынх нь ТҮҮХТ 100 ЖИЛИЙН ой тохиож байгаа тул тус сумын уяачид оны эхэнд цуглаж ойрд болоогүй хуралдаанаа хийж байгаа талаараа сэтгэгдэлээ хуваалцаж байв.
Хуралдааныг нээж 2011 оноос хойш Түргэн сумын Дэглий Цагаан Морин Спорт Уяачдын холбооны Тэргүүнээр ажиллаж байгаа Даржаагийн БАТЦЭНГЭЛ, дэд тэргүүн Аймгийн МСУХ-ын тэргүүлэгч, Түргэн сумын “Дэглий цагаан” МСУХ-ны дэд тэргүүн, Монгол улсын гавьяат барилгачин, Аймгийн алдарт уяач Хасгаагийн СҮХБААТАР болон холбооны нарийн бичиг Аймгийн алдарт уяач Отгонбаяр нар товч мэдээлэл өгч мөн одоогийн бүрэлдэхүүн үргэжлүүлэн ажиллах төлөвлөгөөнүүд гаргасан байгаагаа танилцуулав. Үүний дараа хүрэлцэн ирсэн уяачид саналаа хэлж байсан бөгөөд ойрд ингэж цуглаагүй тул нээлттэйгээр санал шүүмжээ өрнүүлэн, өнгөрсөнд хугацаанд шинэ залуу уяачдаа орхигдуулсан, аливаа үйл ажиллагаанд идэвхтэй зохион байгуулалттай оролцохоо болисон, суманд зохиогдсон морины уралдаануудтай холбоотой асуудлууд гарвал өөрсдөө л холбогдолтой гэх мэт асуудал шүүмжээ хэлэлцээд ТҮҮХТ ОЙДОО болон бусад болох томоохон баяруудад нэгдсэн зохион байгуулалттайгаар оролцож, холбооны зүгээс идэвхтэй санаачилгатай үйл ажиллагаа явуулж байхыг уриалж байв. Мөн санал хэлсэн цөөн хэдэн хүмүүсийн дундаас өнгөрсөн 30 гаруй жилийн түүхэнд бидэнд бас хийж хэрэгжүүлж байсан ололттой зүйл байгаа түүнийгээ бас танилцуулж байх нь зүйтэй юм байна гэдэг байр суурь илэрхийлэх нэг нь ч байв.
Ингээд тэргүүн, дэд тэргүүн, хуучин нарийн бичиг нар дээр шинээр 8 тэргүүлэгч сонгоод сумын МСУХ нийт 11 тэргүүлэгчтэй үйл ажиллагаагаа үргэлжлүүлэх санал гарахад Түргэн сумын уугуул Аймгийн БТСГ-ын мэргэжилтэн Гансүхийн ЧУЛУУН ахмад үеийн төлөөллөөс 4, залуу уяачдын төлөөллөөс 4 тэргүүлэгч шинээр сонгох санаачилга дэвшүүлэн нэр дэвшүүлэлт явагдаж ирсэн уяачид илээр саналаа өгснөөр нийт 8 тэргүүлэгчийн нэрс тодорхой болов. Үүний дараа ирсэн нийт уяачдын уур амьсгал ч тэр, Холбооны дэд тэргүүн Х.Сүхбаатарын зүгээс ч тэр Гансүхийн ЧУЛУУНЫГ холбооны НАРИЙН БИЧГЭЭР ажиллах саналыг гаргаж өөрт нь ухуулах ажлыг амжилттай гүйцэтгэснээр ШИНЭ НАРИЙН БИЧГИЙН даргаар Г.ЧУЛУУН сонгогдлоо.
Ийнхүү ТҮРГЭН СУМЫН Дэглий Цагаан МСУХ-ны бүтэц бүрэлдэхүүн ТҮҮХТ ОЙН ЖИЛИЙНХЭЭ босгон дээр шинэчлэгдэн батлагдаж энэ хаврын бүс болон түүхэн тэгш ойн баяр наадмуудад сумынхаа уяачдыг манлайлан идэвх санаачилгатай оролцох аялалаа эхлүүлэв.
Хуралдааны видео линкийг эндээс: https://www.youtube.com/@uvschuud
Хуралдааны үйл ажиллагааг зурагласан УВСЧУУД САЙТ
Сэтгэгдэл үлдээх