Даяаршиж байгаа дэлхийн хөгжлийн хурдыг гүйцэх гэж бид хэсэгтээ “хэрээ галуу дуурайж” эхлэв. Монгол орчин, монгол зан үйл, ахуй соёл тэр ч бүү хэл хоол хүнсээ хүртэл өөрчилж харийн соёлыг хэсэг дагав.
Гэтэл Монгол хүний биеийн тэнцвэрт чанар алдагдаж нэргүй өвчлөл, бие махбодийн яс чанар муудаж байна. Гэхдээ сүүлийн жилүүдэд дэлхийн даяаршлыг буруу даган дуурайж буйгаа ойлгож эхэлсэн өөрөөр хэлбэл жинхэнэ Монгол хүн байх бие махбодийн хийгээд сэтгэлзүйн чанраа алдахгүй байх зарчмыг эргэн харж эхэлсэн нь таатай.
Олон жишээ баримтаас нэгийг л дурдья. Бидний хэрэглэхээ больсон “Арвайн гурил” буюу болсон гуриланд Монгол хүний бие организмд хэрэгцээтэй шим тэжээл их байдаг. Арвайн гурил цусны улаан эсийг сэргээнэ.Цус багадахад , бие махбодийн эс хүчилтөрөгч болон тэжээллэг бодисийн өлсгөлөнд ордог учраас биеийн бодисын солилцоо алдагддаг тул эсэд хүчилтөрөгч, тэжээлийн бодисын нийлэгжүүлэлтийг дэмждэг байна. Түүнчлэн элэгний үйл ажиллагааг дэмждэг хамгийн сайн хүнс гэж судлаачид дүгнэсэн байна.
Сэтгэгдэл үлдээх