НАРАНБУЛАГ сумын ЭМЧ Цогоо Ган-Эрдэнэ морио унаад малчиддаа эрүүл мэндийн тусламж үйлчилгээг цаг алдахгүй хүргэж байна.
Тэрээр “2025 оны эхэнд Урд хамрын чиглэлийн айлуудаар мориор эргэлт хийж шаардлагатай (Эм,Тариагаар) хангаж ажиллалаа. Малчид маань ойр зуур ханиад томууг үл хайхран сэтгэл санаа өөдрөг мал нь тарган сайхан өвөлжиж байна. Морь унаагаар тусалсан Энхбазар ах болон Жигмид ахад маш их баярлалаа” хэмээн нүүр номондоо сэтгэгдлээ хуваалцжээ.
Одоо үед ийм сэтгэлтэй зүтгэлтэй өргөсөн тангарагтаа үнэнч залуус хөдөө нутгийн эрүүл энхийн манаанд зүтгэж байгаад БАХАРХАЖ байна. Нутгийн онцлогоос хамааран машин техник, мотоциклтой дуудлаганд очиход хүндрэлтэй газар малчид өвөлжиж, оторлодог. Энэ онцгой цаг үед зорьж очоод халуун дулаан яриа өрнүүлээд, урьдчилан сэргийлэх үзлэг хийж, хэрэгтэй эм тариаг нь дөхүүлэх нь наанадаж сэтгэл санааны олон талын ач тустай билээ.
Дашрамд сонирхуулахад эмч Ц.ГАН-ЭРДЭНЭ 2023 оны БАЙГУУЛЛАГЫНХАА АВАРГА -аар өргөмжлөгдөж байжээ.
Ажлын өндөр амжилт хүсье.
Сэтгэгдэл үлдээх