“ХҮҮХЭД – ХАЙР – ИРЭЭДҮЙ” ХҮҮХДИЙН ҮНДЭСНИЙ ЧУУЛГАНД УВС АЙМГИЙН ТӨЛӨӨЛӨЛ АМЖИЛТТАЙ ОРОЛЦЛОО
Монгол Улсад хүүхдийн байгууллага, хөдөлгөөн үүсэж, хөгжсөний түүхт 100 жилийн арга хэмжээний хүрээнд “Хүүхэд-Хайр-Ирээдүй” хүүхдийн үндэсний чуулганыг Төрийн ордны Их танхимд 2025 оны 11 дүгээр сарын 19-ний өдөр зохион байгуулагдав.
Хүүхдийн үндэсний чуулганд 21 аймаг, нийслэлийн 9 дүүргийн ерөнхий боловсролын сургууль, хүүхдийн оролцооны байгууллагуудыг тэгш хамруулж, шийдвэр гаргах түвшинд хүүхдүүдийн санал бодлыг хүргэж, тулгамдаж буй асуудал, шийдлийг хүүхдийн оролцоо, санал санаачилгад тулгуурлан гаргав
Хүүхдийн үндэсний чуулганаас хүүхдүүд өөрсдөө таван үндсэн чиглэлээр санал, шийдэл боловсрууллаа.1. Боловсрол: Тэгш хамруулсан, аюулгүй, хүчирхийлэлгүй сургалтын орчин
2. Эрүүл мэнд: Хүүхэд бүрд хүртээмжтэй, хүртээмжийн ялгаа арилгасан үйлчилгээ
3. Хөгжил ба оролцоо: Хүүхдийн дуу хоолой, манлайлал, шийдвэр гаргалтад оролцоог хангах
4. Хамгаалал: Хүчирхийллээс урьдчилан сэргийлэх, хамгааллын тогтолцоог бэхжүүлэх
5. Гэр бүл ба нийгмийн орчин: Хүүхдэд ээлтэй орчин, тогтвортой гэр бүлийг дэмжих
Дээрх саналыг бодит ажил хэрэг болгосноор: Хүүхэд бүрд тэгш, хүртээмжтэй, аюулгүй орчин бүрдэнэ. Хүүхдийн оролцоо бодлого, шийдвэр гаргалтад бодитоор тусгагдана. Хүүхдийн хамгаалал, эрүүл мэнд, боловсролын үйлчилгээний чанар сайжирна. Хүүхдийн хөгжлийн хэрэгцээнд нийцсэн үндэсний бодлогын уялдаа бий болно гэж дүгнэжээ.
ШИНЭ ЗУУНЫ БОДЛОГЫГ ХҮҮХДҮҮД ӨӨРСДӨӨ ТОДОРХОЙЛЛООМонголын Хүүхдийн Зөвлөл – Mongolian Children’s Council
Сэтгэгдэл үлдээх