Орон нутгаас АНХ УДАА Увс аймагт IELTS -ийн шалгалтыг авахаар болж бүртгэл явагдаж байгаатай холбогдуулан Увс аймгийн Боловсролын газар -аас тодруулга мэдээлэл авлаа.
Боловсролын газрын дарга А.БОЛОРМАА:- “IELTS шалгалтыг орон нутагт авахаар болсон нь манай аймаг болон баруун бүсийн хувьд маш том боломж. Энэхүү шалгалтыг Увс аймагт авах болсноор олон давуу талууд бий болж байна. Манай аймгийн хувьд алслагдсан аймаг учираас ирж очих замын зардал, цаг хугацааг хэмнэхээс гадна баруун бүсийн хэмжээнд оролцогчдын тоо нэмэгдэх юм. Цаашлаад гадаадын их дээд сургуулиудад элсэн суралцах тэтгэлэгт хөтөлбөрт хамрагдах боломжууд нээгдэнэ. Мөн Дэлхийн иргэн хөтөлбөрийн хүрээнд бэлтгэгдсэн 20 гаруй багш болон бусад сурагчид маань IELTS шалгалтанд 6-аас дээш оноо авснаар Засаг Даргын мөрийн хөтөлбөрт орсон урамшуулал авах боломжтой.” зэрэг ач холбогдол, давуу талын талаар мэдээлэл өгөв.
Хөрш зэргэлдээ аймгууд болон манай аймгийн багш, хүүхдүүд 11 сарын 14 -нөөс өмнө амжиж бүртгүүлээд шалгалтандаа оролцохыг уриалж байна.
Сэтгэгдэл үлдээх