2 дахь удаагаа даамны дэлхийн аваргад оролцох Б.Сансармаагийн амжилту

2025 оны 10.24-ний өдрөөс 11.02-ний өдрүүдэд Турк улсын Анталъя хотноо зохион байгуулагдах Өсвөр үе, Залуучуудын дэлхийн аварга шалгаруулах тэмцээнд оролцохоор эх орноосоо мордсон

Увс аймгийн 3-р сургуулийн сурагч, Даамны спортын мастер Б.Сансармаа нь

2024 оны 10 дугаар сарын 25-наас 11 дүгээр сарын 02-ны өдрүүдэд Польш улсын Шкалярска Пореба хотод болсон өсвөр үе, залуучуудын дэлхийн аварга шалгаруулах тэмцээнд оролцохдоо 4,5 -р байранд орж байжээ.

Анх удаа олон Улсын чанартай тэмцээнд оролцсон тэрээр медальт байрнаас хамар таслуулсан шарандаа дараагийн удаа заавал медальт байранд шалгарах зорилго тавьж жил хүрэхгүй хугацаанд түүндээ хүрэв.

Энэ оны 08 сарын 01-07 өдрүүдэд Хятад улсын Шиньтай хотод зохион байгуулагдсан “FMJD World Cup Xintai Open” 2025 олон Улсын даамны тэмцээний U14 охидын ангилалд Батмөнхийн Сансармаа гуравдугаар байр эзэлсэн юм.

Б.Сансармаа 2022 оноос даам тоглож байгаа бөгөөд өдийг хүртэл жижиг, том олон тэмцээнд оролцож байр эзэлжээ:

Увс аймгийн 2024 оны аварга даамчин,
2025 оны Увс аймгийн өсвөрийн аварга шалгаруулах 100 буудалт даамын тэмцээнд 11-13 насны ангиллын тэргүүн байр, алтан медаль,
Залуучуудын улсын аварга шалгаруулах 2025 даамын тэмцээнд 6 дугаар байр
Өсвөрийн улсын аварга шалгаруулах тэмцээн 2025 зуун буудалт 11-13 насны ангилалд үндсэн төрөлд тэргүүн байр, алтан медаль
Баруун бүс 2025 зуун буудалт даамын аварга шалгаруулах тэмцээний 11-13 насны ангилалд тэргүүн байр, алтан медаль

Мөн 2024 оны УВС АЙМГИЙН ТЭРГҮҮНИЙ ОЮУНЛАГ СУРАГЧААР ШАЛГАРЧ шинэ оны босгон дээр шагналаа гардан авч байв.