ХҮҮХДИЙН ЭМНЭЛЭГ “ХҮЙТЭН” БАЙНА

Гэвч эмнэлэгт хэвтээд эмчлүүлэх ёстой хүүхэд багачууд харин ч эрсдэлтэй нөхцөлд байгаа юм байна. Тиймээс иргэд хүүхдийн эмнэлэгийн бодит байдлын талаар гомдол мэдээлэл хүргэсний дагуу аймгийн удирдлагууд өнөөдөр ХҮҮХДИЙН ЭМНЭЛЭГ дээр ажиллажээ.

Иргэдийн энэхүү гомдол мэдээллийн дагуу нөхцөл байдалтай танилцан хүмүүс холбогдох мэргэжилтнүүдэд дараах тодорхой үүрэг чиглэлийг өгчээ.

Эхний ээлжинд

дулаан алдагдаж буй хэсгүүдэд анхаарч дулаан хангамжийг сайжруулах ажлуудыг яаравчлан хийж хэвтэн эмчлүүлэгчдийн тав тухтай байдлыг хангах,

шаардлагатай засвар үйлчилгээ, нэмэлт ажлуудын жагсаалтыг тухайн барилгын гүйцэтгэгч компанид хугацаатай албан бичгээр хүргүүлэхээр тогтсон талаар аймгийн тамгын газрын албан хуудсан мэдээлжээ.

Одоо тэдний авсан арга хэмжээ бодит байдал дээрээ хурдан үр дүнгээ өгч эмчилгээ хийлгэж буй үйлчлүүлэгчид дулаан тав тухтай орчинд эмчлүүлэх ёстой.

Шийдлээ олох гэж өдөр хоног алдхааргүй асуудал бол энэ юм. Мөн тус эмнэлэгийн барилгыг анх хүлээж авахдаа ямар стандарт шаардлагыг баримталж хүлээж авсан, өнгөрсөн жилүүдэд хүйтэн байсан бол наанадаж өвлийн бэлтгэл байдлаа хангах ёстой нэгдсэн эмнэлэгийн удирдлагууд ямар ямар урьдчилан сэргийлэх ажлууд хийсэн нь зэргээр хариуцлагын асуудал шат шатандаа яригдахаар юм байна гэж харж байна. Цаашид ямар үр дүн гарахыг харцгаая.