ТАРВАГАТАЙ БАГИЙН ТАНИЛЦУУЛГА

1925 онд Ёл нэртэйгээр анх байгуулагдаад 1960 онд Тарвагатай бригад нэртэй болсон. Тус багийн малчид хөдөлмөрчид  Намирын эхэн, Увс нуурын хөвөө, Хөх үхэрт, Аараг, Таван толгой, Хужирт, Хүрэн хадаан сарьдаг, Тавт, Хэрмэн, Мээрэн, Зүүн, баруун салаа, Залаат, Тэнүүг, Гурван тээл, Хөсөр, Балчиргант зэрэг газруудаар жилийн 4 улиралд нүүдэллэн амьдардаг.

Тарвагатай багийн хамт олон 1982 онд Монголын радиогийн 5 эрдэнэ нэвтрүүлгийн төл бүрийн төлөө уралдаанд шалгарч, 1986 онд аймагт 3-р байр, 2003 онд 2-р байр эзэлсэн, 2004 онд Аймгийн Тэргүүний баг өргөмжлөл, 1988 онд МҮЭ-ийн 60 жилийн ойг угтсан социалист уралдаанд аймагтаа шалгарч дурсгалын медалиар шагнуулж байв.

Манай багаас сум, аймаг, улсын аварга малчид олноор төрөн гарсан байдаг.

Үүнд: Улсын аварга малчин Б.Шагдар, Я.Хүрэлбаатар, Ө.Чингээ, Н.Эрдэнэ, Н.Цэвээнравдан, Аймгийн хошой аварга малчин О.Доржсүрэн, Б.Тангад,, Аймгийн аварга малчин Б.Янжив, С.Ширнэн, Т.Тэсвээн, Ж.Одвог, Ө.Отгон, Б.Тутраа, Б.Пүрэв, Ш.Тогтох, Хо.Тогтуур, Д.Цэгмэд,

2010 оноос хойш төрөн гарсан  аймгийн  аварга малчид:

1. Галзаа Отгонжаргал-2010 он
2. Катав Нямсүрэн-2011он
3. Мажигсүрэн Жаргалсайхан-2015 он
4. Нямаа Цэвээнравдан 2017 он
5. Шийрэв Рэндоо 2018 он
6. Галзаа Дорж 2019 он
7. Сүрэнжав Дорждэрэм 2020 он
8. Бүүвэй Цогтбаяр 2022 он
9. Чойжил Отгон 2023 он
10. Баатар Жамбал 2023 он
11. Шийрэв Цэднээ

Сумын аварга малчин өрх 10, алтан төлийн эзэн өрх 4, Сумын аварга тариаланч өрх 2  байна.

Мөн аварга мэргэжилтнээр малын эмч О.Буянжаргал, Бригадын дарга, Д.Мундааж, Төрийн захиргааны тэргүүний ажилтан багийн дарга Ч.Отгон нарын олон хүмүүс байв.

Тарвагатай баг нь нийт 474 хүн амтай 104 өрхтэй,хүн ам насны бүлгээр  16-34 насны залуучууд -147, 15-59 насны хөдөлмөрийн насны хүн ам 295, Алдарт эхийн 1-р зэргийн одонтой ээж 24, 2-р зэргийн одонтой ээж 29, эмэгтэйчүүд 226 байна. Малчин өрх 100, малчдын тоо 183, нийт 26403 толгой малтай, малыг 5 төрлөөр нь авч үзвэл Үхэр-1473, Адуу-894, Хонь-16275, Ямаа-7650 Тэмээ-111 байна.

Тарвагатай багт орших онцлог шинж байгалийн үзэсгэлэнт газруудаас дурдвал:

Намирын эхэн Мөнх цаст оргил, Чихэн хад,

Тарвагатай баг, бригадын даргаар Ш.Арж, А.Башуудай, С.Авирмэд, Б.Баяндүүрэн, С.Аюуш, Ш.Жангаан, Б.Түмэн, М.Өлзийт, Т.Ширнэн, Т.Алгаа, А.Ургамал, Ш.Балдан, З.Гомбо, Г.Маамуу, Г.Сайнбаяр, С.Цогвоо, С.Зундуй, Г.Цэвээн, Д.Мундааж, Хултайн Отгон, Чойжилын Отгон, Д.Эрэнбор, нар ажиллаж байжээ.

2025 оны байдлаар багийн ИНХ-ын  даргаар Долгионы Баттулга, Засаг даргаар Отгоны Намсрай, ИНХ-ын тэргүүлэгчид Зундуй овогтой Балочир, Рэндоо овогтой Буядаа, Цэднээ овогтой Амарсанаа, Бааст овогтой Бэхцог, Сумын ИХТөлөөлөгчөөр Д.Баттулга, С.Валют нар ажиллаж байна.

Багийн даргаар ажиллагсад:

1. Гомбо Сайнбаяр-1972-1974 он
2. Санж Цогвоо 1976-1978 он
3. Сүх Зундуй 1978-1981 он
4. Гончиг Цэвээн 1981-1984 он
5. Даян Мундааж 1984-1988, 1991-1994, 2000-2004 он
6. Хултай Отгон 1994-2000, 2004-2008 он
7. Чойжил Отгон 2008-2012, 2016-2021 он
8. Долгион Эрэнбор 2012-2016 он
9. Отгоны Намсрай 2021 оноос

Багийн Иргэдийн Нийтийн Хурлын Даргаар:

1. Хултай Отгон 2000-2004 он
2. Чойжил Отгон 2004-2008 он
3. Хөтөө Нүрдээ 2008-2012 он
4. Эрдэнэ Алтай 2012-2021 он
5. Долгион Эрэнбор 2021-2025
6. Долгион Баттулга 2025-оноос

  ҮЕ ҮЕИЙН БАГИЙН ЗАСАГ ДАРГА НАР Д. МУНДААЖ, О.НАМСРАЙ, Х. ОТГОН НАР 

Тарвагатай, Толь багийн конторын шинэ барилга 2025 онд ашиглалтанд орсон.

УУРХАЙН ТОСГОН

ТАРВАГАТАЙ БАГИЙН МОНГОЛ УЛСЫН АВАРГА МАЛЧИН ӨРХ НЯМАА ЦЭВЭЭНРАВДАН