Багш бүр ажлын байрандаа тасралтгүй хөгжих, хичээлийн судалгааны үр дүнг сайжруулах, интерактив технологиор дамжуулан хүүхэд бүрийн хөгжлийг дэмжих зорилготой илтгэлийн уралдаан амжилттай зохион байгуулагдлаа.
Уралдаанд бага ангийн багш нар маань дараах үндсэн 3 чиглэлээр онол, арга зүйгээ сорьж, шинэлэг санаа, туршлагаа хуваалцав:
-
Сургуульд суурилсан хичээлийн судалгаа
-
Судлагдахуунд суурилсан хичээлийн судалгаа
-
Тэгш хамруулах боловсролын судалгаа
Интерактив сургалтын цаашдын чиг хандлагыг тодорхойлж, тулгамдаж буй асуудлыг оновчтой шийдвэрлэсэн дараах багш нар манлайллаа:
| Байр | Илтгэлийн сэдэв | Илтгэгч багш нар | Сургууль / Сум |
| I байр | “Аз жаргалтай хичээл – PERMA V загвар” | Н.Батцэнд, С.Доржпалам, А.Хулан | ЕБ-ын IV сургууль |
| II байр | “V ангийн суралцагчдын ойлгон унших чадварыг интерактив үйл ажиллагаагаар дэмжих боломж” | С.Ганцэцэг, Н.Амармэнд, О.Отгонзаяа | ЕБ-ын I сургууль |
| II байр | “Өртөө сэлгэх хосолсон сургалтын загвар” | Т.Батзул, Алтансувд, Ж.Янжмаа | Наранбулаг сум |
| III байр | “Бүтээгч Альфа” | М.Цэндхүү | ЕБ-ын I сургууль |
| III байр | “Тоглоомонд суурилсан интерактив дасгал даалгавраар сурагчдын идэвх оролцоог нэмэгдүүлэх нь” | З.Болормаа, З.Түмэндэмбэрэл, Д.Хишигзул | ЕБ-ын II сургууль |
| III байр | “Эерэг сөрөг тоо” хичээлийн судалгаа | Б.Энхцэцэг, Д.Алтантуяа | Өндөрхангай сум |
Илтгэлийн уралдааны явцад ажиглагдсан туршлага дээр үндэслэн багш нартаа дараах зөвлөмжийг хүргүүлж байна. Үүнд:
-
Судалгааны цар хүрээг тэлэх: Судалгааг нэлээн олон багш, сурагчдыг хамруулан өргөн хүрээтэй зохион байгуулж, асуудлыг бодитойгоор олж харах;
-
Уялдаа холбоог сайжруулах: Сонгон авсан тулгамдсан асуудал нь сургуулийн зорилго, тэргүүлэх чиглэл, үндэслэлтэй нягт уялдсан байх;
-
Үр дүнг шинжлэх: Хэрэгжүүлсэн үйл ажиллагаа ямар хугацаанд явагдсан, үр дүнтэй болж чадсан эсэхийг нэгтгэн дүгнэх, статистик мэдээлэлд суурилж шинжлэхэд анхаарах.
“Сайн арга зүй гэдэг багш бүрийн туршлага дээр үндэслэн хамтдаа хөгжиж, бие биенээсээ суралцах үйл явц юм.”
Сэтгэгдэл үлдээх