Ванчигийн Төмөрбаатар: “Энэхүү 2 фото зурагт надтай хамт Замчин БТС-ын хороо болон Октябрийн районы Сагсан бөмбөгийн багт тоглож байсан Увс аймгийн Тэс сумын харьяат Мажигийн Алимаа эгчийн зураг байсан учир Увс аймгийн 2 дахь, аймагтаа эмэгтэйчүүдээс анхны Сагсан бөмбөгийн спортын мастер цол хүртсэн БНМАУ-ын Насанд хүрэгчдийн улсын аварга шалгаруулах тэмцээнд 1975, 1984, 1986 онуудад аварга болж Алтан медаль 3, 1970 онд Залгамжлагч нийгэмлэгээс Мөнгөн медаль 1, 1980 онд Замчин БТС-ын хорооноос Хүрэл медаль 1-ийг тус тус хүртэж 1984 оны 12 дугаар сард спортын мастер цол хүртэх дээ БНМАУ-ын Сагсан бөмбөгийн түүхийн Эхний 100 спортын мастерын 60 дугаарт эрэмбэлэгдэж түүхэнд үлдсэн сагсчин эгчээ дурсаж товчхон түүхийг оруулав.”
– Энэхүү зураг нь 1984 оны “А” зэрэглэлийн НХУАШТ-нд Октябрийн районы Сагсны эрэгтэй, эмэгтэй багууд хоёулаа аваргын Алтан медаль хүртсэн зураг.Увс аймгийн уугуул М. Алимаа мастер арын эгнээний зүүнээс 2 дахь нь. Ванчиг ТӨМӨРБААТАР урьд эгнээний баруунаас эхэнд нь сууж байгаа.
– 2 дахь зураг 2022 онд БНМАУ, МУ-ын Сагсан бөмбөгийн түүхийн баримтат киноны зураг авалтын үеэр авахуулсан зураг.
– 3, 4, 5 дахь баримтууд бол БНМАУ-ын Сагсан бөмбөгийн түүхийн Эхний 100 мастер цол хүртсэн он, сар, өдөрөөрөө эрэмбэлэгдсэн архивын шагнасан хуудаснууд юм. Монголын Сагсан бөмбөгийн түүхийн Эхний 100 мастерын эрэмбэний 43 дугаарт Увс аймгийн Хяргас сумын уугуул Ванчиг Төмөрбаатар миний бие, 48 дугаарт Увс аймгийн Өмнөговь сумын уугуул Лувсан Буянхишиг/Барилгачин нийгэмлэг, Найрамдлын районы багт тоглож байсан ах маань/, 60 дугаарт Увс аймгийн Тэс сумын уугуул Мажиг Алимаа эгч маань тус тус Увс аймгаас эрэмбэлэгдэж түүхэнд үлдсэн бөлгөө
Увс аймгаас төрсөн АНХНЫ сагсан бөмбөгийн СПОРТЫН МАСТЕР Ванчиг ТӨМӨРБААТАРЫН нийтлэлийг эх сурвалж болгов
Сэтгэгдэл үлдээх