Бидний өдөр тутам цаг агаарын мэдээнд хүлээж авч буй температур нь агаарын температур бөгөөд энэ нь тухайн температур хүний биед хэрхэн мэдрэгдэх вэ гэдгийг шууд илэрхийлдэггүй. Тухайн температурыг хэрхэн мэдрэх нь агаарын урсгал буюу салхины хурд, чийгшлээс хамаардаг. Үүнийг хүнд “мэдрэгдэх температур” гэдэг. Хүйтэн, сэрүүний улиралд салхины хурд их байвал “мэдрэгдэх температур” нь тухайн агаарын температураас илүү хүйтэн мэдрэгддэг.
Хөлдөлт болон осголтоос урьдчилан сэргийлэх энгийн хэдэн дүрэм
Хүйтний улиралд спиртийн төрлийн зүйл битгий уу, үнэн хэрэг дээрээ захын судас тэлснээс биеийн дулаанаа их хэмжээгээр алдаад зогсохгүй хүйтний хэмийг буруу тооцно.
Хүйтэнд тамхи битгий тат, тамхи захын цусны эргэлтийг багасгадаг.
Сул чөлөөтөй хувцасла, байцаа шиг хувцасла, ингэснээр агаарын давхарга үүсч дулааныг сайн хадгалдаг.
Хүйтэнд төмөр, алт, мөнгөн гоёл зүүх хэрэгггүй
Хүйтэнд удаан хугацаагаар явахаа мэдэж байгаа бол биеээ тосолж байх хэрэгтэй
Хүүхдүүд тоглоомондоо улайраад осгох, хөлдчих нь бий. Иймд тэднийг 15-20 минут тутамд дулаацуулж байх хэрэгтэй
Хамгийн сүүлд цаг агаарын мэдээгээ тогтмол сонсож, ажлаа төлөвлөн, амьдрал ахуйдаа хэрэглэж сурах юм.
Сэтгэгдэл үлдээх